La 28-an de aprilo okazis diskonigo por la angla versio de la kvina volumo de "Xi Jinping: Regado de Ĉinio" en Ĝakarto, Indonezio. La eventon ĉeestis pli ol 200 invititoj de la du landoj, inkluzive de Ahmad Muzani, prezidanto de la Popola Konsulta Asembleo de Indonezio, Chang Bo, prezidanto de la Ĉina Internacia Komunika Grupo, Muhammad Iftitah Sulaiman Suryanagara, ministro pri transmigrado de Indonezio, Wang Lutong, ĉina ambasadoro en Indonezio, kaj reprezentantoj de la rondoj de eldonado, pensfabrikoj, edukado kaj amaskomunikado.

Ahmad Muzani diris, ke "Xi Jinping: Regado de Ĉinio" provizas valoran referencon por indoneziaj diplomatiaj, akademiaj kaj politikfaraj rondoj, kaj ke la diskonigo servas kiel grava platformo por profundigi interŝanĝojn de pensoj kaj vidpunktoj inter la du landoj. Li diris, ke pli da indoneziaj oficistoj, akademiuloj kaj junuloj legos ĉi tiun gravan verkon, profundigos sian komprenon pri la disvolva vojo kaj sociadministra filozofio de Ĉinio, kaj plilarĝigos siajn perspektivojn pri la mondo kaj la disvolviĝo de la homaro en la estonteco.

"Dum mia vizito al Ĉinio, mi vidis la landon antaŭenigi reduktadon de malriĉeco laŭ disvolva filozofio," diris Muhammad Iftitah Sulaiman Suryanagara, "la ŝlosilaj konceptoj kaj novigaj praktikoj de Ĉinio en malriĉec-redukta administrado, kampara disvolviĝo kaj kunordigo de regiona kresko donas sisteman kaj valoran referencon por Indonezio."

Dum la evento, fakuloj kaj akademiuloj interŝanĝis opiniojn ankaŭ pri la 15-a Kvinjara Plano de Ĉinio, komuna modernigo kaj spertoj pri mildigo de malriĉeco.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat