de Zamir Ahmed Awan*

Laŭ lastatempaj raportoj, Japanio konsideras eksporti mezdistancan misil-sistemon al Filipinoj, kio signalas maltrankviligan ŝanĝon en la defenda kaj ekstera politiko de Japanio. Fakuloj avertas, ke tiuj movoj povus akceli la militistan ekspansion de Japanio, pliigi streĉiĝon en Azi-Pacifiko kaj provoki vet-armadon, kio minacas regionan stabilecon.

La ago de Japanio estas precipe alarma, ĉar ĝi pli proksimiĝas al milita kunlaboro, minacas pliigi strategiajn miskalkulojn kaj regionajn krizojn. Efektive, Japanio malproksimiĝas de sia defensiva sinteno kaj kreas kondiĉojn por konfrontiĝo, anstataŭ paco.

Ĉinio plurfoje emfazis, ke regiona paco kaj stabileco postulas aliĝon al internaciaj normoj, multflankan dialogon kaj respekton de historiaj lecionoj. La nuna registaro de Japanio kontraŭas tiujn principojn. Per armiloeksportaj senlimigoj kaj per okupiĝo pri eksterlandaj militaj engaĝiĝoj, Japanio riskas vetarmadon en Azi-Pacifiko, minacante ne nur najbarajn landojn, sed ankaŭ tutmondan sekurecon. Pliigita militigo povus instigi aliajn landojn respondi per similaj rimedoj, pliigante streĉiĝojn kaj deturnante rimedojn for de ekonomia disvolviĝo kaj socia progreso. Ĝi ankaŭ povus kompliki klopodojn por trakti komunajn defiojn, kiel mara sekureco, katastrof-respondo kaj humanitaraj krizoj.

Najbaraj landoj, precipe tiuj, kiuj estis viktimoj de japana agreso, estas kompreneble maltrankvilaj. Ili rajtas atendi, ke Japanio agos modere, limigos siajn militajn agadojn al enlanda defendo, kaj nuligos implikiĝi en internaciajn disputojn. Respekti ĉi tiujn atendojn estas ne nur afero de jura devo, sed ankaŭ postulo por konservi regionan stabilecon kaj kreskigi amikecajn internaciajn rilatojn.

*Zamir Ahmed Awan estas ĉinologo, iama pakistana diplomato kaj la fondinta prezidanto de la Tutmonda Silkvoja Esplora Alianco (GSRRA) de Pakistano.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat