Yimakan-rakontado estas esenca por la mondkoncepto kaj historia memoro de heĝen-etno de nordorienta Ĉinio. Rakontita en la heĝen-a lingvo, prenante kaj versajn kaj prozajn formojn, Yimakan-rakontado konsistas el multaj sendependaj epizodoj prezentantaj tribajn aliancojn kaj batalojn, inkluzive de la malvenko de monstroj kaj sukcesoj de heĝen-aj herooj. Ĉi tiu parola heredaĵo ne nur elstarigas la defendon de etna identeco kaj teritoria integreco, sed ankaŭ konservas tradician scion pri ŝamanaj ritoj, fiŝkaptado kaj ĉasado. Yimakan-prezentistoj improvizas rakontojn sen instrumenta akompano, alternante inter kantado kaj parolado, kaj uzas malsamajn melodiojn por reprezenti malsamajn rolulojn kaj intrigojn. Ili kutime trejniĝas en majstra metilernanta rilato ene de siaj propraj klanoj kaj familioj, kvankam hodiaŭ eksteruloj estas pli kaj pli akceptitaj por metilernado. Heĝen-anoj ne havas skribsistemon, do Yimakan ludas ŝlosilan rolon en la konservado de ilia gepatra lingvo, religio, kredoj, folkloro kaj kutimoj. Tamen, kun la akcelo de modernigo kaj populariĝo de lerneja edukado, la heĝen-a lingvo estas pli kaj pli malofte uzata. Nuntempe nur la pliaĝuloj povas paroli sian gepatran lingvon. Ĉi tiu perdo fariĝis grava obstaklo al la antaŭenigo kaj daŭripovo de la Yimakan-tradicio. Por la etno, nun nur kvin majstraj rakontistoj kapablas prezenti epizodojn.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat