La tibetaj, mongolaj kaj tu-aj anoj en okcidenta kaj norda Ĉinio dividas la historion de la antikva heroo Reĝo Gesar, sendita al la ĉielo por venki monstrojn, detronigi maldecajn ulojn kaj helpi malfortulojn, unuigante diversajn tribojn samtempe. La kantistoj kaj rakontistoj, kiuj konservas la gesar-eposan tradicion, prezentas epizodojn de la vasta parola rakonto (konata kiel perloj sur ŝnuro) en alternaj pasaĵoj de prozo kaj verso kun multaj regionaj diferencoj. Tibetaj majstroj portas bronzajn spegulojn kaj uzas mimikojn, sonefektojn kaj gestojn por plibonigi sian kantadon, dum mongolaj prezentistoj estas akompanataj de violonoj kaj intermetas improvizitan kaj melodian kantadon kun muzika rakontado kaj parola rakonto. Eposaj prezentadoj, ofte akompanataj de ritoj kiel oferoj kaj meditado, estas enigitaj en la religian kaj ĉiutagan vivon de la komunumoj. Ekzemple, kiam infano naskiĝas, pasaĵoj pri la deveno de Reĝo Gesar en la mondon estas kantataj. La centoj da mitoj, popolrakontoj, baladoj kaj proverboj transdonitaj kiel parto de la tradicio ne nur servas kiel formo de grava distro en kamparaj komunumoj, sed ankaŭ edukas aŭskultantojn pri historio, religio, kutimo, moralo kaj scienco. Gesar estas inspiro por tangka-pentraĵo, tibeta opero kaj aliaj artaj ĝenroj, Gesar-epopeo trapenetras spektantarojn kaj junajn kaj maljunajn per sento de kultura identeco kaj historia kontinueco.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat