Kiel distingaj simboloj de la ĉina arkitektura kulturo, trabaj strukturoj el ligno troviĝas tra la tuta lando. La lignaj komponantoj kiel kolonoj, traboj, krampoj kaj tiel plu, estas konektitaj per tenonaj juntoj laŭ fleksebla maniero. La surprize fortaj kadroj povas esti rapide instalitaj ĉe la konstruejo per kunmetado de komponantoj fabrikitaj laŭ progresinta maniero. Aldone al ĉi tiu struktura ĉarpentado, la arkitektura metiarto ankaŭ ampleksas ornaman lignaĵadon, tegolajn tegmentojn, ŝtonlaboron, ornaman pentradon kaj aliajn artojn transdonitajn de majstroj al metilernantoj per parola kaj praktika instruado. Ĉiu fazo de la konstru-procezo montras siajn unikajn kaj sistemajn metodojn kaj kapablojn. Uzata hodiaŭ ĉefe en la konstruado de strukturoj en la tradicia stilo kaj en la restaŭrado de antikvaj konstruaĵoj, la tradicia ĉina arkitektura metiarto por lignotrabaj strukturoj enkarnigas heredaĵon de saĝo kaj metiarto kaj reflektas hereditan komprenon pri naturo kaj interpersonaj rilatoj en la tradicia ĉina socio. Por la ĉarpentistoj kaj metiistoj, kiuj konservas ĉi tiun arkitekturan stilon, kaj por la homoj, kiuj vivis en kaj inter la spacoj difinitaj de ĝi dum generacioj, ĝi fariĝis centra vida komponanto de ĉina identeco kaj grava reprezentanto de azia arkitekturo.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat