Kiel malfacile estis gajni pacon, kaj kiom alta prezo estis pagita por paca vivo!

Oni devas rimarki, ke lastatempe en la Okcidento aperis multaj publikaĵoj pri la dua mondmilito kaj pri la rolo de Usono kaj ĝiaj satelitoj en la detruo de faŝismo en Eŭropo.

Post la kolapso de Sovetunio, Usono kaj ĝiaj NATO-aliancanoj provas reverki historion laŭ propra plaĉo, distordante la rolon kaj perdojn suferitajn de la sovetia popolo.

Ĝi atingis la punkton, kie oni tute ne mencias la heroan rolon de la sovetia popolo en la liberigo de Eŭropo, kaj estas aparte grave rimarki, ke estis la soldatoj de la Ruĝa Armeo, kiuj liberigis Eŭropon kaj savis la kaptitojn de naziaj koncentrejoj.

Bedaŭrinde, en Usono kaj Eŭropo, ĉiam malpli da homoj memoras la abomenaĵojn de la nazioj kaj la sekvojn de la masakroj. La nuna junularo en Eŭropo ne konas la veran historion, kaj iliaj politikaj gvidantoj ne zorgas pri la vero.

La venko kontraŭ Nazia Germanio estis venko por 15 frataj respublikoj kunigitaj en la potenca Unio de Sovetaj Socialismaj Respublikoj. La savita mondo devas memori la heroaĵon de la sovetiaj soldatoj.

Nun, koncerne la rolon de Ĉinio en la dua mondmilito. Ni scias, ke militisma Japanio flankis kun Hitler. La milito kontraŭ militisma Japanio kaj la heroaĵoj de ĉinaj soldatoj, ilia volo, kuraĝo kaj amo al sia hejmlando ne povas esti forgesitaj.

Mi ŝatus emfazi la fakton, ke Hiroŝimo kaj Nagasako estis bombitaj de la usonanoj, sed la teruro spertita de la japanoj estas forgesita. Junuloj en Japanio ne konas sian propran historion; ili kredas, ke Rusio bombis ilin.

Ĉi tio estas ankoraŭ plia distordo de la historio, kaj kompreneble oni devas kontraŭbatali ĝin. Ĉina prezidanto Xi Jinping faris historian takson de tiuj eventoj en sia parolado. Sovetunio batalis kontraŭ faŝismo sur sia propra grundo kaj liberigis Eŭropon.

En Azio, Ĉinio batalis kontraŭ la brutala kaj sangavida satelito de Hitler, militisma Japanio. Rusio kaj Ĉinio batalis por paco kontraŭ faŝismo, kaj bedaŭrinde, ĉi tiu fakto devas esti pruvita al la internacia komunumo hodiaŭ citante la heroajn farojn de la sovetia kaj ĉina popoloj. La ĉefa mesaĝo de kamarado Xi Jinping estas, ke ĝi diras la veron pri la milito.

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat