La loĝkvartalo Hexie, kies nomo signifas harmonio en la ĉina lingvo, estas la plej granda loĝkvartalo kreita por translokigo de homoj kadre de la laboro pri malaperigo de malriĉeco en la urbo Lushui de Nujiang-a Lisu-a Aŭtonoma Subprovinco de Yunnan-provinco, sudokcidenta Ĉinio. Tie troviĝas 2 524 loĝejoj, kie loĝas 10 445 homoj translokigitaj el 30 vilaĝoj de kvin lokaj distriktoj klasifikitaj kiel "nekapablaj subteni homan setladon pro tre maloportunaj kondiĉoj".

Loĝantoj de loĝkvartalo Hexie dancas sur placo.

Lokaj junulinoj en etnaj vestoj laboras en la loka kafejo.

Konstruita proksime de aŭtovojo kaj ne for de la ĉefa areo de Nujiang, la komunumo provizas pli bonajn vivkondiĉojn al siaj loĝantoj. Tie troviĝas registara servocentro, infanĝardeno, elementlernejo, kliniko, merkato, kie lokaj kamparanoj vendas siajn produktojn, malgrandaj farmoj, kiuj provizas freŝajn legomojn kaj kreskaĵojn al la loĝantoj, policejo, centro por infanoj, centro por prizorgado de maljunuloj, superbazaroj kaj vendejoj.

Virinoj laboras en la registara servocentro de la kvartalo.

Manĝejo en la kvartalo provizas senpagajn manĝojn al lokanoj.

En la registara servocentro troviĝas manĝejo, kie maljunuloj povas manĝi senpage, kaj la kvartalo ankaŭ havas kelkajn atelierojn, kiuj dungas lokanojn por fari simplajn manlaborojn. Elpensita surbaze de la koncepto "translokigo, stabileco, prospero kaj disvolvado", la kvartalo klopodas por certigi, ke la loĝantoj havu konvenan, sekuran kaj feliĉan vivon, kaj por faciligi la transiron de la loĝantoj, el farmistoj al urbanoj.

Verkis kaj fotis: Rafael Henrique Zerbetto

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat