Registara laborraporto estis prezentita al la tria sesio de la 14a Tutlanda Popola Kongreso (TPK) la 5-an de marto. Ĉinio jam atingis ekonomian kreskon de 5% en 2024, tia kresko lokas Ĉinion inter la plej rapide kreskantaj ĉefaj ekonomioj de la mondo.

La jaro 2025 markas la finan jaron de la 14-a Kvinjara Plano de Ĉinio (2021-2025) kaj ankaŭ estas ŝlosila por ellabori la venontan kvinjaran skizon. Observantoj diris, ke la registaraj politikoj ne nur kondukos daŭran kreskon ĉi-jare, sed ankaŭ starigos longtempan bazon por la modernigo de la lando.

Kreskigi altkvalitan disvolviĝon estas ŝlosila fokuso en ĉi-jara registara plano. Enlanda konsumado fariĝos la ĉefa motoro kaj ankro de ekonomia kresko. Novkvalitaj produktivaj fortoj estos nutritaj laŭ lokaj kondiĉoj. Ĉinio celas kreskigi merĝantajn kaj estontajn industriojn, kiel kvantuman teknologion kaj la malalt-altitudan ekonomion, por akceli la novigon de tradiciaj industrioj kaj kombini ciferecajn teknologiojn, inkluzive de AI kun fabrikado kaj merkatfortoj.

La raporto ankaŭ skizas aron da aliaj ĉefaj disvolvaj celoj, inkluzive de enketita urba senlaboreca procento je ĉirkaŭ 5.5%, pli ol 12 milionoj da novaj enurbaj laborpostenoj, kaj ĉirkaŭ 2-procenta kresko de la konsumpreza indico.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat