Komence de 2025 la turisma merkato de Ĉinio montras plenan viglecon. Antaŭ kaj post la novjara ferio, mendoj por altklasaj hoteloj kaj eksterlandaj vojaĝoj pliiĝis je 30% kaj 80% kompare kun la sama periodo de la pasinta jaro.

Samtempe estis novaj progresoj en grandaj infrastrukturaj projektoj, aldonante novan movforton al altkvalita disvolviĝo.

La 1-an de januaro la fervoja kompanio perfektigis siajn servojn kaj planas transporti 11.5 milionojn da vojaĝoj kaj aranĝi 10.43 mil trajnojn nur por pasaĝeroj, inkluzive de 342 pliaj trajnoj.

En la Novjara Tago, la ĉin-produktita granda aviadilo C919 unuafoje plenumis flugadon de komerca aerlinio inter Ŝanhajo kaj Hongkongo, ĝi oficiale lanĉis sian komercan entreprenadon sur regionaj itineroj.

Je nul horo de la 1-a de januaro 2025, la ĉin-eŭropa kargotrajno, ŝarĝita per 50 konteneroj da hejmaparatoj, teksaĵoj, kemiaĵoj kaj aliaj varoj, forlasis Xi'an-an Internacian Havenon kaj ekveturis okcidenten al Uzbekio.

En 2025 ĉinoj plenumos la taskojn de la 14-a Kvinjara Plano kaj metos solidan bazon por la 15-a Kvinjara Plano. Starante sur tero plena je vigleco en la nova epoko, pli ol 1.4 miliardoj da ĉinoj kunlabore eniras la novan jaron kun koroj plenaj je espero!

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat