La 20-an de majo ĉina prezidanto Xi Jinping sendis kondolencon al la irana unua vicprezidento Mohammad Mokhber pri tio, ke irana prezidento Ebrahim Raisi malfeliĉe viktimiĝis en helikoptera akcidento. Nome de la ĉina registaro kaj la ĉina popolo, Xi Jinping esprimis profundan funebron al la viktimoj kaj sinceran simpation al la unua vicprezidento Mokhber, la familianoj de prezidento Raisi kaj la iranaj registaro kaj popolo.

Xi Jinping deklaris, ke depost sia enoficiĝo Raisi faris gravajn kontribuojn por konservi sekurecon kaj stabilecon de Irano kaj por solidigi kaj profundigi la kunlaboron de la ĉin-irana ampleksa strategia partnereco. Lia bedaŭrinda forpaso estas granda perdo por la irana popolo kaj rezultigis al la ĉina popolo perdon de bona amiko.

(el ĈRI)

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat