Vito Petrocelli en kunvenejo de UN en Novjorko

Vito Petrocelli estas prezidanto de la instituto Italio - BRICS. Li estis senatano de la Itala Respubliko de la jaro 2013 ĝis la jaro 2022, dum tiu ĉi periodo, de la jaro 2018 ĝis 2022, li estis prezidanto de la parlamenta Komisiono pri Eksteraj Aferoj kaj Elmigrado.

De 2013 ĝis 2022 li okupiĝis en aliaj instituciaj kaj politikaj postenoj: prezidanto de la duflanka sekcio Italio-Ĉinio de la Interparlamenta Unio (2018-2022); vicprezidanto de la Komitato pri la Aferoj de Italoj Vivantaj Eksterlande (2016-2018); prezidanto (2014) kaj kasisto (2015-2016) de la Parlamenta Grupo de la Movado 5 Steloj (La Movado 5 Steloj estas itala politika partio). Li ankaŭ estis membro de la Komisiono pri Financo kaj Imposto kaj sekretario de la Komisiono pri Industrio, Komerco kaj Turismo.

Prezidanto Petrocelli subskribis, la 19-an de junio 2019 en Moskvo, la protokolonpri parlamenta kunlaboro kun 1.parlamenta deputito Konstantin Kosaĉev, prezidanto de la Komitato pri Internaciaj Aferoj de la Konsilio de la Rusa Federacio (la Konsilio estas la supera ĉambro de la Federacia Asembleo de Rusio). 

Invitite de la Departemento pri Internaciaj Aferoj de KPĈ (Komunista Partio de Ĉinio), li gvidis grandan parlamentan delegacion viziti Pekinon, Chongqing kaj Xiamen (2018). Li partoprenis en la laboro de la dua Forumo de "La Zono kaj Vojo" por Internacia Kunlaborado en Pekino (2019).

El Popola Ĉinio: En la pasintaj dek jaroj pli ol 150 landoj kaj 30 organizoj subskribis kunlaborajn dokumentojn kun Ĉinio pri la konstruado de "La Zono kaj Vojo", kaj hodiaŭ la iniciato jam estas la plej populara internacia kunlabora publika produkto kaj plej granda kunlabora platformo en la mondo, do vi, kiel fakulo pri internaciaj rilatoj, kiel taksas ĝin?

Vito Petrocelli: La iniciato"La Zono kaj Vojo", kiun en Italio ni nomas "Nova Silka Vojo", estas certe la plej grava projekto de la lastaj 10 jaroj. Mi kredas, ke ĉi tiu iniciato antaŭenigita de prezidanto Xi Jinping estas grava antaŭ ĉio pro du kialoj:

1. "La Zono kaj Vojo" estas longdaŭra projekto, elpensita por subteni la kungajnan multflankan kunlaboradon dum venontaj jardekoj;

2. "La Zono kaj Vojo" kunligas pli ol 150 landojn kaj 30 organizojn apartenantajn kaj al la Tutmonda Sudo kaj al la kolektiva Okcidento.

Italio estas unu el la okcidentaj landoj, kiuj subskribis memorandon de interkompreno por kunlaboro ene de la iniciato, kaj, krome, ĝi estas la sola G7-lando kiu faris tion. La itala registaro intencas ŝanĝi la direkton kaj la ĉefministro Giorgia Meloni tion komunikis al la ĉina flanko, argumentante, ke ĝi ne reprezentas la naciajn interesojn kaj estas danĝera por nia teknologia kaj strategia sekureco. La ĉefministro certigas, ke tiu ĉi decido estas sendependa de la volo de Usono, kiam fakte la malo estas klara por ĉiuj.

Mi estas konvinkita, ke ĉi tiu decido estas grava politika, ekonomia kaj strategia eraro, kaj distancas Italion de la multpolusa kampo, kiu reprezentas la veran estontecon de la homaro.

El Popola Ĉinio: Laŭ vi, kian rolon la iniciato ludas ĉe la socia kaj politika disvolviĝo en la aliĝintaj landoj? Kaj kian rolon ĝi ludas en la internaciaj rilatoj?

Vito Petrocelli: La ĉefa aspekto estas, ke"La Zono kaj Vojo" ne intencas influi la politikajn elektojn de membrolandoj. La kungajna projektado garantias la duflankan fluon de la profitoj aktivigitaj de la iniciato, kiuj plejofte havas socian, infrastrukturan kaj teknologian naturon.

La iniciato devas trovi la plej vastan eblan spacon en la kunteksto de la internaciaj rilatoj. Ĉi tiu celo povus esti atingita se Ĉinio subtenus pli grandan integriĝon inter "La Zono kaj Vojo" mem kaj la ĉefaj multpolusaj dialogaj kaj kunlaboraj formatoj: antaŭ ĉio la BRICS-formato, kaj ankaŭ la Ŝanhaja Kunlabora Organizo, la Eŭro-Azia Ekonomia Unio, la Grupo de  la 77 landoj+Ĉinio, la Ne Envicigita Movado.

El Popola Ĉinio: Kiel vi atendas pri la estonteco de la konstruado de la iniciato?

Vito Petrocelli: La iniciato estos efika kaj sukcesa se ĝi konservos siajn apartajn trajtojn kaj ĉiam kapablos evoluigi aliajn novajn adaptitajn al la evoluo de la internacia kunteksto. Mi rilatas al ĉi tiuj decidaj faktoroj:

1. Ĉina neenmiksiĝo en la internaj aferoj de partoprenantaj landoj;

2. Neniu limigo al la partopreno de landoj kaj de la Nordo kaj de la Sudo;

3. Rekono de la reciprokaj avantaĝoj de la iniciato kaj antaŭenigo de la disvolviĝo utila al ĉiuj partioj;

4. Forta integriĝo kun la politikaj organizoj (supre menciitaj) kaj ankaŭ ekonomiaj organizoj de la Nova Multpolusa Mondo, kiel la Nova Disvolva Banko de la BRICS-Grupo, la Azia Infrastruktura Investa Banko ktp.

Intervjuita de Chen Ji kaj Pietro Fiocchi

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat