Konservado de la manuskriptoj de Phuri
La manuskriptoj de Phuri estas la plej antikva kolekto de la tibeta literaturo. Ili estis malkovritaj en 2002 en la vilaĝo Phuri de la urbo Xigaze en Xizang de Ĉinio. La verkoj estas ĉirkaŭ 12 mil paĝoj de tibetaj klasikaĵoj kaj dokumentoj, inkluzive de religia literaturo, poemoj kaj biografioj. Tiuj manuskriptoj, verkitaj antaŭ ol la 14-a jarcento, ekde 2007 estas konservataj en la biblioteko de Xizang-a Universitato en Lasao, kie fakuloj restaŭras, katalogas kaj ciferigas la antikvajn verkojn. En 2018, fotokopioj de la manuskriptoj estis publikigitaj en libro, dividita en du volumoj kun pli ol 800 paĝoj, enhavantaj ĉirkaŭ 5% de la manuskriptoj.
Manuskriptoj de Phuri eksponataj en la biblioteko de Xizang-a Universitato Manuskripto restaŭrita de fakuloj
Pecoj de damaĝitaj manuskriptoj atendas restaŭron.
Unua volumo de la libro
Manuskriptoj de Phuri: tiu libro faciligas aliron de la tutmonda publiko al tiuj antikvaj verkoj.
Raportis kaj fotis: Rafael Henrique Zerbetto
Facebook: Ĉina Fokuso / China Focus - Esperanto
Twitter: El Popola Chinio
WeChat: Skani la du-dimensian kodon por legi EPĈ en WeChat
