Teksto kaj fotoj de LI YEMENG*

Membroj de la E-societo en diskonigo de Esperanto en la lernejo

La aktivado de la E-societo allogas al si multajn lernantojn.

La aktivado de la E-societo allogas al si multajn lernantojn.

Afiŝoj por agadoj de la E-societo

    Ĉiam viglas la E-societo de la Dependa Mezlernejo sub la Ŝanhaja Fremdlingva Universitato de post sia fondiĝo en la tria tagdeko de aŭgusto de la jaro 2012. Ĝi, kiel la unua societo de Esperanto en la lerneja historio, sin dediĉas al la disvastigo de la ideo de Esperanto kaj de la scioj pri tiu ĉi lingvo internacia al la geinstruistoj kaj al la gelernantoj de la tuta lernejo pere de diversspecaj kanaloj, ekz., instruado, prelego, aprecado kaj tiel plu.

    La agadoj fare de la E-societo estas oftaj kaj enhavoriĉaj kun multe da lernorimedoj, inkl. de kurso, www.reto.net, www.elerno.cn kaj plej facile komprenataj, progresigaj kaj taŭgaj lernomaterialoj por la membroj de la E-societo. La E-societo presis ankaŭ instruajn materialojn por siaj membroj kaj samtempe aldonas ilin al sia blogo surrete. Kvankam la aktivejo de la E-societo estas iom simpla, tamen la samideanoj povas tie ĝui kune la brilecon de la E-kulturo, babilante pere de intereto kun geesperantistoj el Eŭropo, Aŭstralio kaj aliaj landoj kaj kontinentoj. La entuziasmo de ĉiuj membroj de la E-societo por lernado de nia kara lingvo internacia pli kaj pli altiĝis. Ili decidas pluapaŝe disvastigi sciojn pri Esperanto en praktikado.

    Pli grave estas ke la E-societo aktive partoprenas en la "societo-ekspozicia" aktivado okazigita de la Dependa Mezlernejo sub la Ŝanhaja Fremdlingva Universitato. En la jare grandioza ceremonio la E-societo kune kun pli ol 20 studentaj societoj de la tuta lernejo montris sin en bela maniero. Dum la unuaj tagoj de la preparado, la membroj de la E-societo entuziasme kunlaboris. Iuj faris klarigon pri desegnaĵo de la afiŝo en Esperanto, la duaj respondis demandojn pri Esperanto kaj la triaj pretigis ejon kaj premion por tiuj, kiuj partoprenas en la ekspozicion pri la societo. Ili ankaŭ speciale kompilis E-instruan materialon por la premioj de E-konkurso kun la celo kuraĝigi la lernantojn lerni kaj ami Esperanton.

    En la tago kiam estis la ekspozicio pri la societo, ĉu la ses-jaraj infanoj, kiuj ĵus eniris en la lernejon, ĉu la supermezlernejanoj en la flora aĝo, ĉu la instruistoj de biologio, ĉu tiuj de la angla lingvo, ĉiuj haltis por partopreni en la aktivado organizita de la E-societo. Kiel movoplena estis la loko! La ideo de Esperanto kaj la E-movado interesis multajn lernantoj el diversaj fakultatoj... kaj multaj lernantoj plurfoje prove respondis demandojn pri Esperanto. Tre ege entuziasma estis la esplora etoso sur la loko. Krome, la lerneja radiostacio elsendis ankaŭ kantojn en Esperanto.

    Estis tre riĉaj la programeroj de la aktivado de la E-societo, kiuj multe plaĉis al la lernantoj... Dum la tuta jaro post la stariĝo de la E-societo, la lernantoj ĉiam entuziasme kaj vigle partoprenas en ĝiaj agadoj. Estas ĝojinda ke pli kaj pli multe da lernantoj konas la spiriton de Esperanto pere de la interesaj aktivadoj kaj en diskutadoj dum lernado de Esperanto.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

  * La aŭtoro servas kiel la unua prezidanto de la E-societo.

Redaktoro : Wang Lihua