Printempa Ekvinokso
Hodiaŭ (la 20-a de marto) estas la Printempa Ekvinokso. Tiutage la suno radias rekte super la ekvatoro. La tagdaŭro same longas kiel noktdaŭro. Ekde tiu tago la suno norden moviĝos sur la norda hemisfero, kie tagdaŭro fariĝos pli kaj pli longa. Sur la suda hemisfero estos male. De tiu dato homoj sur la norda hemisfero ĝuos varman sunon kaj abundan pluvon.
Tio estas la komenco de la kvara sunperiodo. Dume ĉinoj havas la kutimojn flugigi kajton kaj manĝi printempajn legomojn.
En la tradicia ĉina kalendaro, la jaro estas dividita en 24 sunperiodojn, kaj ĉiu el ili daŭras ĉirkaŭ 15 tagojn. La sunperiodoj rezultas de observado de la jara movado de la suno. Ĝi estas la tradicia ĉina maniero por scii la jarajn ŝanĝiĝojn de sezono kaj klimato.
Redaktoro: Gao Shuyuan
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
