Laktoteo en ĉina grandrapida trajno
Lastatempe en grandrapidaj trajnoj de la Guangzhou-a Grup-kompanio de Ĉina Fervojo, oni komencis servi laktoteon al pasaĝeroj. Sur la pakaĵo estas desegnita bildo de konduktoroj, kaj la marko de la laktoteo estas "La knabino".
"La knabino" havas 4 specojn da trinkaĵoj, kiuj estas faritaj el naturaj ingrediencoj.
"Ni esperas krei pli diversajn kultur-turismajn simbolojn por fari la bildon de grandrapida fervojo pli elstara. Estus bonege, se la grandrapida fervojo povus memorigi homojn pri la laktoteo," diris la rilata respondeculo.
La kompanio lanĉis la servon meze de oktobro en ĉiuj siaj grandrapid-fervojaj trajnoj en la provincoj Hunan kaj Guangdong, kun ĉiutaga vendado de 3 000 tasoj.
Redaktoro: Kang Caiqi
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
