21-jara heredanto de mjaǔ-a batiko
21-jara Wang Xinying loĝas en la gubernio Danzhai de la provinco Guizhou, sudokcidenta Ĉinio, kaj estis nomita kiel heredanto de mjaǔ-a batiko en Danzhai kiam ŝi estis 19-jara. Ŝi ekkonis mjaǔ-an batikon kiam ŝi estis 6-jara.
Batiko de mjaǔ-etno estas popola manfaritaĵo transdonata de unu generacio al la sekva. Ĝi havas lokajn karakterizaĵojn kaj estis enlistigita kiel ŝtatnivela nemateria kultura heredaĵo.
En 2017, helpe de la registaro, Wang Xinying malfermis batikan spertbutikon kun sia familianoj en Wanda-urbeto, kie turistoj povas sperti faradon de mjaǔ-a batiko. Krome, Ŝi ankaŭ malfermis batikan laborejon pri farado, esplorado kaj vendado de mjaǔ-batikaj produktoj.
En aprilo Wang Xinying estis invitita partopreni en la Ŝanhaja Modsemajno. "La urbo estas tre bela kaj la konstruaĵoj estas tre altaj, sed mi pensas, ke mia hejmloko estas pli taŭga por mi. Nur mjaǔ-a batiko povas plu antaǔenigi min. Poste, mi enkondukos batikajn elementojn en mod-dezajnon, por ke pli multaj homoj konu kaj ŝatu batikon," diris Wang Xinying.
La 25-an de aprilo Wang Xinying prezentis sian batikan verkon. Fotis Ou Dongqu, raportisto de la novaĵagentejo Xinhua.
La 25-an de aprilo Wang Xinying instruis turistojn fari mjaǔ-an batikon. Fotis Ou Dongqu, raportisto de la novaĵagentejo Xinhua.
La 25-an de aprilo Wang Xinying faris batikan verkon. Fotis Ou Dongqu, raportisto de la novaĵagentejo Xinhua
Redaktoro: Kang Caiqi
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
