Mirinda “senfina buklo” en Ĉinio!
Nova turo konstruota en Ĉinio certe estas unu el la plej mirigaj projektoj sur la planedo.
La o-forma turo en Hangzhou -- komparita de la projektantoj, Bjarke Ingels Grupo (Granda) al senfina buklo -- estos la ĉefsidejo pri esplorado kaj disvolvado de Oppo, granda kompanio pri saĝtelefonoj en Ĉinio.
La supraj etaĝoj de la konstruaĵo estos por ekskluziva uzo de Oppo, kaj la unuaj tri etaĝoj estos malfermitaj al la publiko. Aparte priatentinda parto de tiu konstruaĵo estos la korto plena de plantoj kaj priskribita de ĝiaj arkitektoj kiel "salono por la urbo".
La turo estos konstruita en saĝe elektita loko, inter natura lago, parko 10 000-kvadrat-metra kaj la urba areo de la distrikto Yuhang de la urbo Hangzhou.
La arkitektoj de la turo deklaris, ke ĝi estis desegnita ne nur por mirigi homojn. Ili klarigis, ke la konstruaĵo estos "medie, ekonomie kaj socie daŭripova" kaj "respondeca civitano".
Tradukis: Rafael Henrique Zerbetto
Fonto: GICexpat
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
