Mila ĉin-eŭropa kargotrajno el Shaanxi
La 13-an de aprilo en Xi'an, ĉefurbo de la provinco Shaanxi de nordokcidenta Ĉinio, komenciĝis la mila vojaĝo de ĉin-eŭropa kargotrajno ĉi-jare.
La trajno X9041 kun 50 vagonoj kunportantaj biciklojn, ludilojn, telerlavilojn kaj aliajn varojn forlasis Xi'an al Kazaĥio kadre de la ĉin-eŭropa kargotrajna servo, kiu ankaŭ servas la Centran Azion.
Ekde la komenco de ĉi tiu jaro, la kompanio asignis la ĉin-eŭropan kargotrajnan servon por minimumigi la efikon de la pandemio de KOVIM-19 sur la internaciajn industriajn ĉenojn kaj proviz-ĉenojn, klarigis administranto de la kompanio.
Ĝis la 12-a de aprilo en Xi'an oni jam traktis 41 286 ŝarĝveturilojn per la ĉina-eŭropa kargotrajna servo, kresko je 26.76 elcentoj kompare kun la pasinta jaro.
Ĉar la pandemio de KOVIM-19 multe influis la maran kaj aeran transport-kapaciton, la ĉin-eŭropa kargotrajno ludis gravan rolon en stabiligo de la internacia fervoja loĝistiko. La servo certigis glatan transportadon de varoj, inkluzive de materialoj por regado de la pandemio.
Tradukis: Rafael Henrique Zerbetto
Fonto: Global Times
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
