Kio estas Sanxingdui? Kion oni trovis el ĝi?
La 20-an de marto ĉinaj arkeologoj publikigis fruktojn de elfosado ĉe Sanxingdui-ruino, Sichuan-provinco de Ĉinio. Fakuloj diris, ke en ĉi-foja elfosado inter novembro 2019 kaj majo 2020, arkeologoj trovis ses kavojn kaj per pluraj teknikoj restarigis la enterigan procezon kaj akiris pli klaran komprenon pri la spaca strukturo de la ejo por oferado ĉe Sanxingdui.
Bronza masko trovita en Sanxingdui
Bronzaĵo trovita en Sanxingdui
El la ses novaj kavoj oni jam elterigis pli ol 500 gravajn antikvaĵojn, ekzemple oraj maskoj. En la unua kaj dua kavoj ekzistas multaj bronzaĵoj, oraĵoj kaj jadaĵoj neniam viditaj antaǔe. Ili ŝanĝis la konojn de fakuloj pri stato kaj trajtoj de praa civilizacio de Ĉinio. En la tria kavo oni trovis grandegan bronzan maskon kaj pli ol cent eburojn, kaj multaj el ili estis bruligitaj kaj enterigitaj kun bronzaĵoj kaj jadaĵoj. Krome, oni trovis ankaŭ restaĵojn de silko en cindra tavolo de la kvara kavo kaj sur la bronza surfaco de la tria kavo.
Sanxingdui, laǔ arkeologoj, datiĝis de 2800 a.K ĝis 1100 a.K. La tuta situo inkludas urbomurojn, loĝejojn, fabrikojn, tombejojn kaj ejo por oferado. La elterigo de tiom da bronzaĵoj montras maturecon de tiu tekniko. En 1986 Ĉinio faris la unuafojan arkeologian fosadon en Sanxingdui. Inter novembro 2019 kaj majo 2020, arkeologoj trovis ses aliajn kavojn.
Ora masko elterigita
Eburoj bruligitaj kaj enterigitaj
Bronzaĵo, sur kiu restas iom da ora koloro
Redaktoro: Xie Ruifeng
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
