La unua movebla vakcinejo de Ĉinio baldaŭ estos surstrate!
Veturilo por vakcinado disvolvita de la ĉina aŭtomobila firmao Foton ekfunkcios en aprilo en Pekino kaj la provinco Hebei. La unua tia veturilo de Ĉinio permesos al homoj esti vakcinitaj proksime de sia loĝejo sen bezono vojaĝi al vakcinejo. La interno de la veturilo similas al tiu de buso, sed kun malpli da sidlokoj. La veturilo estas ekipita per vizaĝrekona sistemo, kiu ankaŭ povas kontroli la korpan temperaturon de vizitantoj, kaj havas propran vifion por transdoni realtempajn datumojn. La firmao deklaris, ke ĝi povas produkti 12 tiajn veturilojn en unu tago, permesante vastskalajn testojn en baldaŭa estonteco.
Raportis: Rafael Henrique Zerbetto
Fonto: GICExpat
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
