"Magia urbo" Chongqing: neneglektindaj vidindaĵoj jene prezentitaj
Ĉinaj retumantoj nomas la urbon Chongqing, sudokcidenta Ĉinio, "kvardimensia magia urbo". Ĉar multaj montoj ekzistas en la urbocentro, multaj konstruaĵoj estas starigitaj ĉe montoj, kaj tiel formiĝis kompleksa aspekto de la urbo. Ankaǔ pro tio, ĝia trafiko estas konata pro "bunteco": ofte vidiĝas en sama sceno aǔto, fervojo, telfero kaj ŝipo, tio estas "magia" por urbanoj kiuj loĝas en ebenaj regionoj.
En la loĝdomo Baixiangju de Yuzhong-distrikto de Chongqing, videblas telfera kajuto, kaj tio allogas turistojn sin foti ĉe la fenestroj.
La turismejo Hongyadong situas ĉe la kunfluejo de Jangzio kaj Jialing-rivero, kaj ĝi estas unu el la signalecaj konstruaĵoj de Chongqing kun speciala karaktero. Tie, stratoj etendiĝas sur subtegmentoj kaj ĉe teretaĝoj, kaj parkejoj sin kaŝas subetaĝe. Retumantoj nomas ĝin "urba geologia tavolo".
Unu el la plej konataj vidindejoj de Chongqing estas la trakonstruaĵa metrostacio ĉe Liziba. En 2004 pro la ekfunkcio de metrolinio 2, iama nekonata Liziba fariĝis unu el la stacioj. En lastaj jaroj, pro furoro pri videaĵoj, la trakonstruaĵa metrostacio aperis en diversaj retejoj, kaj la loko nun estas vidindejo.
Huangjuewan-kruciĝponto de Nan'an-distrikto havas 5 nivelojn kun 15 ramploj por 8 direktoj.
Sujiaba-kruciĝponto situas en Nan'an-distrikto, kaj ĝi similas ondfervojon en amuzparko.
Redaktoro: Xie Ruifeng
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
