Dehua-a blanka porcelano en Fujian, Ĉinio
Verkoj de Xu Jinbao. Fotis Song Weiwei, raportisto de la novaĵagentejo Xinhua.
La 20-an de oktobro, Xu Jinbao faris porcelanaĵon. Fotis Song Weiwei, raportisto de la novaĵagentejo Xinhua.
La gubernio Dehua de la provinco Fujian, sudorienta Ĉinio, estas unu el la tri produktejoj de antikvaj porcelanaĵoj de Ĉinio. La blanka porcelano produktita ĉi-tie estis vendita al Eŭropo ekde la dinastio Song (960-1279). Ĝi estis nomita "ĉina blanko" de francoj en la dinastio Ming (1368-1644) kaj famiĝis tra la mondo. Nuntempe, inter pli ol 100 mil ceramikaj laboristoj en Dehua, estas tiuj, kiuj daŭrigas la plej tradiciajn teknikojn pri ceramika farado kaj samtempe esploras la novigon kaj disvolviĝon de la blanka porcelano.
Xu Jinbao, kiu naskiĝis en 1980-aj jaroj, estas konata ceramikisto en Dehua. Li diplomiĝis pri materialoj en Ŝanhaja Jiaotong-Universitato kaj revenis al sia hejmurbo por lerni tradiciajn ceramikajn teknikojn de lokaj specialistoj. Li kombinis profesian scion pri materialoj kun tradicia arto de ceramikaĵo, skulptaĵo kaj tiel plu, kaj fondis kompanion pri ceramika teknologio. Krom dezajno de tradiciaj blank-porcelanaj te-iloj kaj aliaj metiartaĵoj, li disvolvis novajn ceramikaĵojn kun specialaj funkcioj. La de li esplorita kaj produktita blank-porcelana akvokruĉo, kiu povas esti varmigita per fajro kaj elektra forno, jam eniris en merkaton, kaj baldaŭ estos lanĉita blank-porcelana filtrilo por akvopurigado.
Redaktoro: Kang Caiqi
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
