La sekreta talento de gardisto de ĉina muzeo
Nuntempe multaj homoj iras al iu loko ne nur pro ĝia vizitindeco, sed ankaŭ pro tio, ke ĝi estas fotinda, ĉu ne? Antaŭ nelonge la Muzeo pri Fotografio de Xie Zilong en Changsha, Hunan-provinco, fariĝis populara turismejo.
Centoj da homoj enviciĝas ĉiutage tie, sed la ĉefa allogaĵo ne estas la muzeo, sed la du gardistoj, kiuj faras belajn fotojn por la vizitantoj. Jen kelkaj fotoj faritaj de ili:
Cheng Qibing, unu el la gardistoj, diris: "Foti turistojn fariĝis parto de mia laboro." En la lasta feritago en Ĉinio li fotis ĉirkaŭ 300 turistojn en unu tago, dum iom pli ol kvin horoj. Tiuj belaj kaj senpagaj fotoj estas troveblaj en ĉinaj sociaj retoj.
Vi eble demandos kial la fotoj estas tiom bonaj. Tio rezultas de spertoj, lernado kaj esplorado dum jaroj. Antaŭe, kiam turistoj petis al li fari fotojn por ili, li pensis, ke tio estus facile: nur premi la butonon. Sed li estis embarasita de la malgajaj mienoj de la turistoj post vidi la rezulton. Por ĝojigi la vizitantojn, li decidis eklerni fotadon.
Redaktis: Rafael Henrique Zerbetto
Fonto: GICExpat
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
