Provu diveni ŝian aĝon!
Li Ruotong estas bela ĉina aktorino. Vidu ŝian foton kaj provu diveni kiom da jaroj ŝi havas.
Se vi donis al ŝi 20-30 jarojn, vi eraris: ĉu vi iam aŭdis pri la fama ĉina dramserio La Kondoraj Herooj, lanĉita en 1995? Ĝi rakontas pri heroaj faroj de Guo Jing kaj Huang Rong defendante Xiangyang en la antikva dinastio Suda Song.
Ĝi ankaŭ rakontas la malĝojigan amrakonton inter Yang Guo kaj Xiaolongnv. Kiel tio rilatas al Li Ruotong? Nu, en tiu dramserio ŝi rolis kiel Xiaolongnv! Provu denove: kiom aĝa ŝi estas?
Antaŭ ne longe Li Ruotong furoris inter ĉinaj retanoj pro ŝia juna aspekto en fotoj diskonigitaj dum evento en socia reto. Li Ruotong aperis kun modeloj por malfermi serion de modaj prezentoj.
Dum longa tempo ŝi ne aperis sur televida ekrano, sed ŝi konservas sian temperamenton, elegantecon kaj trankvilecon.
Ŝi ekzerciĝas ĉiutage, kaj tio ŝajne estas parto de ŝia sekreto por aspekti tiom juna post tiom da jaroj. Ŝi estas 54-jara!
Antaŭ iom da tempo, ŝi aperis en la vespera festo de la Ĉina Valenteno kantante la teman kanton de La Kondoraj Herooj, kiu alportis rememorojn kaj nostalgion al miloj da spektantoj.
Redaktis: Rafael Henrique Zerbetto
Fonto: GICExpat
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
