“Sen Timo”: kant-video kaj manifesto
Antaŭ nelonge aperis en Youtube la kant-video “Sen Timo”. Ĝin iniciatis Kajto kun la celo kontribui al la Festivalo por la Paco de UNESKO, kiu bedaŭrinde ne okazis, tamen “Sen Timo”, belega kaj kortuŝa kant-video kiu rezultas de kunlaboro inter multaj esperantistaj artistoj tra la mondo, fariĝis realo kaj tuj furoris inter esperantistoj tra la mondo.
Kune kun la kant-video “Sen Timo”, Kajto ankaŭ lanĉis la Manifeston “Sen Timo” en la 21-a de septembro, Tago de Paco. Por tiu manifesto oni kolektas tradukojn en multaj lingvoj de la frazo “En paco ludi - sen timo kuregi, salti, danci kaj kanti... estas rajto de ĉiu infano!!!”. La tradukon oni devas sendi al Ankie (ankie7 ĉe xs4all.nl) kaj Nanne (nanne7 ĉe xs4all.nl), de Kajto.
Redaktis: Rafael Henrique Zerbetto
Fonto: Kajto
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
