Provizoraj loĝejoj starigitaj pro inundoj en Hefei, Ĉinio
Ekde junio de la kuranta jaro, en suda Jangzio, suda Ĉinio kaj la orienta parto de sudokcidenta Ĉinio okazis la plej intensa, plej ampleksa kaj plej longdaŭra pluvado. Rezulte de tio, 148 riveroj inundis kelkajn lokojn en Ĉinio.
Lastatempe, la mezlernejo 168 en la urbo Hefei, provinco Anhui, orienta Ĉinio, fariĝis provizora loĝejo de pli ol 300 homoj trafitaj de inundo. Tie oni povas vidi diversajn ĉiutagajn necesaĵojn kiel dentopikilo, dentobroso, mantuko, lavmaŝino, fridujo, sekigilo ktp. Tie servas pli ol 400 junaj volontuloj el diversaj rondoj.
Dai Jun, vicsekretario de la Hefei-a Komitato de la Komunista Junulara Ligo, diskonigis, ke en la provizora loĝejo estas pli ol 30 geknaboj malpli-ol-18-jaraj, por riĉigi ilian vivon, instruistoj de mezlernejoj en Hefei starigis grupojn por doni al ili lecionojn pri pentrado, kantado, metio kaj poezio.
Dai Jun diris, ke en la provizora loĝejo estas ankaŭ "personigaj servoj" por malsamaĝuloj. Konsiderante la altan proporcion de maljunuloj kaj handikapuloj en la loĝejo, oni invitis profesiajn volontulojn fari tradician ĉinan medicinan kuracadon kaj prelegojn pri sano. Volontuloj 24-hore deĵoras kaj helpas tiujn homojn.
Ĝis la 28-a de julio, 109 provizoraj loĝejoj estis starigitaj en la urbo, kaj entute 218 mil homoj estis translokitaj.
La provizora loĝejo en la mezlernejo 168 en Hefei
Infanoj en la provizora loĝejo
Volontulo donas medikamentojn al maljunulo.
Volontulo helpas maljunulon.
Redaktoro: Kang Caiqi
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
