Ĉinio firme oponas perfortan eniron de Usono en ĉinan konsulejon en Houston
La 25an de julio, Ministerio de Eksterlandaj Aferoj de Ĉinio esprimis fortan malkontenton kaj firman oponon kontraŭ la perforta eniro en la ĉinan ĝeneralan konsulejon en Houston fare de usonaj leĝplenumantoj.
La 24an de julio, usonaj leĝplenumaj oficistoj perforte eniris en la ĉinan ĝeneralan konsulejon en Houston. Responde al tio, Wang Wenbin, proparolanto de la Ĉina Ministerio de Eksterlandaj Aferoj, diris, ke la ĉina ĝenerala konsulejo en Houston estas diplomatia kaj konsula ejo, kaj ankaŭ ĉina proprietaĵo. Laŭ la Konvencio de Vieno pri Konsulaj Rilatoj kaj la Ĉin-Usona Konsula Konvencio, Usono ne rajtas atenci la ĉinan ĝeneralan konsulejon en Houston per ajna maniero.
Wang diris: "Ĉinio esprimis fortan malkontenton kaj firman oponon kontraŭ la perforta eniro en la ĉinan ĝeneralan konsulejon en Houston fare de usonaj leĝplenumantoj kaj prezentis solenan traktadon. Ĉinio juste kaj laŭbezone reagos al tio."
(el ĈRI)
Redaktoro: Liu Zijia
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
