Bestoprotektado en Ĉinio: La habitato de ruĝaj ibisoj etendiĝas de la montaro Qinling al orienta Azio
La 22-an de junio, la Shaanxi-a Forstuma Buroo publikigis informon, ke populacio de ruĝaj ibisoj, iama endanĝerigita rara birdo, nun jam superis pli ol 5 mil, kaj ilia habitato etendiĝas al orienta Azio, kun la montaro Qinling kiel centro.
Ruĝaj ibisoj iam viglis en orienta Azio kaj Siberio. En 20-a jarcento, ili malaperis en Korea Duoninsulo kaj Japanio. En 1981, fakuloj trovis 7 sovaĝajn ruĝajn ibisojn en la montaro Qinling, Shaanxi-provinco de Ĉinio. Qinling fariĝis ŝildo de ruĝaj ibisoj.
Dang Shuangren, estro de la buroo, diris, ke en la pasintaj 40 jaroj, la habitato de ruĝaj ibisoj senĉese disvastiĝas al iamaj vivejoj. La terareo de ilia habitato jam grandiĝis de la antaŭaj malpli ol 5 kvadrataj kilometroj al la nunaj 15 mil kvadrataj kilometroj, kaj la habitato etendiĝas al orienta Azio, kun Qinling kiel centro. Nun la habitatoj de ruĝaj ibisoj troviĝas en ĉinaj provincoj Shaanxi, Henan kaj Zhejiang. Ankaŭ Japanio kaj Korea Respubliko starigis ejojn por sovaĝaj ibisoj helpe de Ĉinio.
Redaktoro: Xie Ruifeng
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
