Emisiotaj unuaj obligacioj kontraŭ-epidemiaj
Raportisto informiĝis de la Ĉina Ministerio de Financo en la 16a de junio, ke por kolekti kapitalon kaj antaŭenigi preventadon kaj regadon de COVID-19 kaj ekonomian kaj socian disvolvadon, la ministerio decidis emisii du specojn da specialaj fiks-interezaj obligacioj. Ili estas kvinjara obligacio kun la totala sumo de 50 miliardoj da juanoj (= 7,05 miliardoj da usonaj dolaroj) kaj sepjara obligacio kun 50 miliardoj da juanoj (= 7,05 miliardoj da usonaj dolaroj).
La du specoj da obligacioj estos emisiotaj en la kontregistra maniero, kaj individuoj povos ilin aĉeti. Laŭ aranĝo, la obligacioj estos adjudikitaj en la 18a de junio kaj ofertitaj en merkato ekde la 23a de junio.
Laŭ la raporto pri registara laboro, Ĉinio emisios mil miliardojn da juanoj (= 141 miliardoj da usonaj dolaroj) da kontraŭ-epidemiaj specialaj obligacioj ĉi-jare.
Redaktoro: Liu Zijia
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
