Rekomencis produktado de sallago en Shanxi
Nun estas la plej bona tempo en printempo ŝoveli salpetron kaj magnezion el la sallago de la urbo Yuncheng en la provinco Shanxi de norda Ĉinio. Post rekomenco de produktado, por eviti amasiĝon de laborantoj, oni ĉefe uzas maŝinojn.
La sallago en Yuncheng estas unu el la tri plej grandaj sallagoj enhavantaj natrian sulfaton. La kontinenta sallago estas malnova kaj tipa. Geologiaj esploroj montras, ke la sallago havas historion de 50 milionoj da jaroj. Ĝia saleco similas al tiu de la Morta Maro en Mez-Oriento, kaj oni povas flosi en la akvo. Pro tio ĝi estas konata kiel la "Morta Maro de Ĉinio".
Redaktoro: Kang Caiqi
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
