Ĝenerala direktoro de MOS: Novkoronvirusa vakcino espereble aperos ene de 18 monatoj
La 11an de februaro en Ĝenevo la ĝenerala direktoro de la Monda Organizo pri Sano (MOS) Tedros Adhanom Ghebreyesus diris, ke la novkoronvirusa vakcino espereble aperos ene de 18 monatoj kaj nun oni devas plenforte preventi kaj regi la viruson.
Tedros Adhanom Ghebreyesus diris en la gazetara konferenco en la ĉefstabejo de MOS, ke pli ol 400 sciencistoj en la tuta mondo diskutas pri esplorado de la viruso. La novkoronvirusa vakcino espereble estos produktata ene de 18 monatoj. Kvankam la vakcino aperos post iom da tempo, oni havas multajn rimedojn por efike preventi kaj regi la viruson.
Redaktoro: Liu Zijia
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
