Usono deklaris altigon de tarifoj sur francaj produktoj kun valoro je 2,4 miliardoj da usonaj dolaroj
Laŭ raporto de la novaĵ-agentejo Xinhua, la 2-an de decembro, usona komerca reprezentanto Robert Lighthizer deklaris, ke franca imposto pri diĝita servo, "diskriminacias" usonajn kompaniojn pri interreto kaj "damaĝas" Usonon. Tiel li proponis, ke la usona registaro altigu tarifojn sur francaj produktoj, inkluzive de ĉampanoj, fromaĝoj kaj mansakoj, kun valoro je 2,4 miliardoj da usonaj dolaroj. Impostoj pri kelkaj el tiuj produktoj povas altiĝi je 100%!
Krome, la Oficejo de Usonaj Komercaj Reprezentantoj planas estigi enketon pri imposto de diĝita servo de Aŭstrio, Italio kaj Turkio.
Redaktoro: Gao Shuyuan
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
