Ĉinio esploros Marson en 2020
Marsa sondilo lanĉita en 2016
La 7-an de julio, en la Forumo pri Programar-difinita Satelito okazinta en Shandong, Ĉinio, Ouyang Ziyuan, membro de la Ĉina Akademio de Sciencoj kaj ĉefa sciencisto pri lun-esplora projekto de Ĉinio, diris en sia raporto, ke Ĉinio esploros Marson en 2020. Laŭ Ouyang Ziyuan, ĉi-foja esplorado estos efektivigita per marsa satelito, surmarsigilo kaj marsa veturilo. Tiu lasta jam estas preta. Spertuloj pri spacoflugo diris, ke Ĉinio planas plenumi tri ĉefajn taskojn sur Marso en unu misio, nome "ĉirkaŭi", "surmarsiĝi" kaj "veturi", kio estos senprecedenca en la historio de spacoflugado.
Ouyang Ziyuan klarigis, ke la marsa esplorado temas pri jenaj tri laboroj:
Unue, detekti informojn pri vivo sur Marso;
Due, esplori ontologian sciencon pri Marso celante akiri datumojn por studi Marson;
Trie, esplori la perspektivojn por grandskala enmigrado de homoj al Marso kaj starigo de la dua loĝejo por la homaro, tio utilos por la daŭripova evoluo de nia socio.
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
