Ekfunkciis ekologie konstruita ŝoseo en Qinghai
Lastatempe, en la provinco Qinghai, Ĉinio, ekfunkciis la ŝoseo Zhalonggou-Nianbozhen, unu el la plej gravaj projektoj pri reduktado de malriĉeco. Kvankam la longeco de la ŝoseo estas nur pli ol 50 kilometroj, ĝia konstruado daŭris 5 jarojn.
Laŭ originala plano, la ŝoseo transiros nacian arbaran parkon kaj estos konstruita en arbarkovrita areo. Sed tio kaŭzos katastrofan damaĝon de la ekologio. Dum la konstruado de la ŝoseo, por protekti arbarojn, oni faris rearanĝojn, kiel "anstataŭigi vojon per ponto" kaj "transformi kulvertojn en pontojn".
Kompare kun la originala plano, pli ol 67 mil arboj daŭre restas. Krome, la forlasitaj rokoj kaj reziduoj en la konstruado estis utiligitaj por fari 42 parkejojn, tiel la ŝoseo vere realigis la ideon pri ekologia konstruado de aŭtovojoj.
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
