Kvar ĉinaj aerkompanioj postulas kompenson de Boeing
En la 10a de marto, aviadilo Boeing 737-MAX-8 de Etiopia Flugkompanio kraŝis. Okazis du akcidentoj de aviadilo Boeing 737-MAX-8 en malpli ol 5 monatoj. Pro tio flugkompanioj de diversaj landoj ĉesigas flugadon de tiu-tipaj aviadiloj. La 21an de majo, Ĉinaj Orientaj Aerlinioj postulis kompenson de la kompanio Boeing pro perdo de flugĉeso de la aviadiloj 737-MAX.
La 22an de majo, aliaj du flugkompanioj, Aero-Ĉinio kaj Ĉinio-Suda sinsekve deklaris, ke ili postulas kompenson de Boeing-kompanio pro perdo de flugĉeso de aviadiloj Boeing 737-MAX kaj de neakurata efektivigo de mendiloj.
Krom la tri grandaj flugkompanioj, ankaŭ Xiamen-Aero petis kompenson al Boeing pro perdo de longtempa flugĉeso de 10 aviadiloj 737-MAX.
Laŭ informoj, la kompenso de Boeing-kompanio atingis 2 miliardojn da usonaj dolaroj. La sumo kreskos pro daŭra flugĉeso.
Redaktoro: Zhao Wenqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
