Kenjaj floroj pompas en Ĉinio
Kenjo estas lando en la altebenaĵo de orienta Afriko, ĝia averaĝa altitudo estas pli ol 1 500 metroj, kaj ekvatoro transiras la landon. Tio igas Kenjon taŭga loko por kreskado de floroj. Nun la lando estas la 4-a plej granda eksportanto de freŝaj floroj, kaj pli kaj pli multaj floroj venis de Kenjo al Ĉinio dum lastaj jaroj. En la lasta novembro, dum la Ĉina Internacia Importa Ekspozicio, kenja ministerio pri agrikulturo, brutobredado kaj fiŝkaptado subskribis kun Ĉinio dokumentojn por faciligi negocojn kaj higienan ekzamenon pri agrikulturaj produktaĵoj. La ekspozicio ne nur alportis al kenjaj agrikulturaĵoj oportunojn por eniri en ĉinan merkaton, sed ankaŭ helpos la landon eksporti pli ol 40% de ĝiaj agrikulturaj produktaĵoj al la tuta mondo.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
