La Imperiestra Palaco: historio "aĉetebla"

| 2018-12-03

Okul-masko vendata de la Muzeo de la Imperiestra Palaco

Kiel eterna simbolo, la Malpermesita Urbo (Muzeo de la Imperiestra Palaco) ĉiam estas nepre vizitinda loko en Ĉinio. En la epoko de retkomerco, ĝi ankaŭ gajnis grandan popularecon inter la juna generacio. Popularaj produktaĵoj inkluzivas pupetojn (kutime pri oficistoj kaj servistinoj en Imperiestra Palaco), mojosajn saketojn, skribilojn, ktp.. Inter ĉiuj, glubendo estas aparte ŝatata kaj ĉiam rapide disvendiĝas. Per ĝi oni beligas kajeron, poŝtelefonon aŭ ruĵon. Ĝia bildo venas el la kolekto de la palaco, uzante laseran teknologion, ĝi montras diversajn kolorojn en malsama direkto.

La Weibo-konto de ĝia retvendejo havas pli ol 900,000 sekvantojn, la palaco mem fariĝas famulo en interreto. En 2015, ĝia vendsumo superis 140 milionojn da usonaj dolaroj, kaj ĝiaj rakontoj allogis pli ol 100,000 rigardojn. La celataj klientoj estas junuloj de 20 ĝis 30 jaroj, kiuj ŝatas individuecon kaj estas entuziasmaj pri novaĵoj en interreto. Antaŭe, la palaco enfokusiĝis pri normalaj historiaj rakontoj, nun ĝi klopodas ligi historian anekdoton kun ĉarma kaj novtipa produktaĵo. Ekzemple, citaĵoj de imperiestroj povas esti bonaj rimedoj por desegnistoj. La vorto “Mi ankaŭ tre sopiras vin”de la imperiestro Yongzheng (1723-1735) aplikiĝis al desegno de ventumilo, kaj sukcese famiĝas.

Ventumilo kun vorto de imperiestro

Antaŭ sia 600-jara datreveno, la grandioza konstruaĵo Malpermesita Urbo certe alportos pli da mirindaĵoj, ĉar ĝi daŭre havas gravan signifon en la nuntempo.