Gates diskonigis en Pekino “novepokan necesejon” sen kloaka kanalo
Bill Gates, usona miliardulo kaj filantropo, ĉi-marde diskonigis en Pekino ĵus inventitan “novepokan necesejon”, kiu ne bezonas akvon nek ligon al kloaka kanalo, nur kemiaĵon por transformi fekojn en sterkon.
Gates diris, ke tradicia necesejo forpelas ekskrementon per akvo. Tamen tiu nova necesejo ne ligiĝas al ajna kanalo. Ĝi uzas kemiaĵon por trakti pisaĵon kaj fekon kaj forbruligi ilin.
Kiel unu el la kreintoj de Mikrosofto, Gates ĉeestis la importan ekspozicion en Ŝanhajo antaŭ unu tago, kaj estas unu el la gravaj gastoj de la ekspozicio. Li aplaŭdis tutmondiĝon kaj la liberan komercan sistemon, kiuj realigis la “novepokan necesejon”.
En intervjuo de Reuters marde, li diris: "Mi konvinkiĝas, ke komerco permesas al ĉiu lando disvolvi sian avantaĝon."
La ekspozicio prezentas 20 purigilojn kun alta teknologio, kiuj celas forigi danĝerajn bakteriojn kaj eviti malsanojn. Opinias Bill Gates, ke tia “novepoka necesejo”, kiu kunigis multajn novigajn teknologiojn, fariĝos ŝlosilo por estonta neceseja revolucio. Espereble ĝi ankaŭ promocios la "necesejan revolucion" en Ĉinio.
Gates diris, ke post kelkjara inventado, la "novepoka necesejo" estos finfine lanĉita en la merkato. Ĝi eble kostas nur kelkcent usonajn dolarojn, ideale nur 500.
Foto el Gates-Fondaĵo
Foto el Gates-Fondaĵo
Foto el Gates-Fondaĵo
Redaktoro: Zhao Wenqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
