Ĉinio ekfunkcias kiel deĵoranta prezidanto de la Sekureca Konsilio de UN
La 31-an de oktobro, Lu Kang, proparolanto de Ministerio pri Eksterlandaj Aferoj de Ĉinio, parolis en la regula gazetara konferenco.
La 31-an de oktobro, Lu Kang, proparolanto de la Ministerio pri Eksterlandaj Aferoj de Ĉinio, anoncis en la regula gazetara konferenco, ke ekde la 1-a de novembro, Ĉinio oficiale transprenis la deĵorantan prezidantecon de la Sekureca Konsilio de Unuiĝintaj Nacioj (UN). Kiel deĵoranta prezidanto, Ĉinio aktive antaŭenigos la procezon por politike solvi regionajn aferojn laŭ la celoj kaj principoj de Ĉarto de Unuiĝintaj Nacioj kaj ludos gravan rolon por konservado de mondaj paco kaj sekureco.
Lu Kang rimarkigis, ke laŭ rilataj tagordoj, en novembro, la Sekureca Konsilio de UN okazigos plurajn kunvenojn por trakti aferojn kiel la situacioj en Sirio, Libio, Irako, Libano, Mezoriento, Bosnio-Hercegovino, kaj Sahelo. Kiel deĵoranta prezidanto, Ĉinio ankaŭ konsideras okazigi publikan kunvenon de la Sekureca Konsilio de UN, kiu temos pri plifortigo de multflankismo kaj rolo de UN en la nuntempa situacio, kaj pri paco kaj sekureco en Afriko. "Ni nun diskutas kun aliaj membroj de la Sekureca Konsilio pri la laborplano en novembro."
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
