Ekfunkciis ĉina-eŭropa kargotrajno inter Delhi de Ĉinio kaj Barnaul de Rusio
La 9-an de oktobro, ĉina-eŭropa kargotrajno ekveturis el la urbo Delhi, Ĉinio al Barnaul, Rusio.
Tiu-tage, ekfunkciis ĉina-eŭropa kargotrajno inter la urbo Delhi de Haixi-a Mongola kaj Tibeta Aŭtonoma Subprovinco de la provinco Qinghai, Ĉinio, kaj Barnaul, ĉefurbo de Altaja-regiono, Rusio. Laŭraporte, entenante 82 kontenerojn en grandeco de 20 anglaj futoj, kaj ŝarĝitajn per produktaĵoj de magnezia klorido, la 41-vagona kargotrajno foriris de Delhi kaj atingos Barnaul de Rusio post 12 tagoj. Ĝi trairos Xining, Lanzhou, Urumqio, veturos laŭ la okcidenta vojo de la Eŭrazia Kontinenta Ponto, kaj trapasos ĉinan landlimon en la urbo Alashankou kaj Kazaĥion. La tuta distanco estas 4345 kilometroj, inkluzive de 3450 kilometroj en Ĉinio kaj 895 kilometroj eksterlande.
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
