Kie Ĉinio trovas movforton por estonta disvolvado?
La lastaj tri someraj Davos-forumoj koncentriĝis sur la kvara industria revolucio, kaj tio konformas al la disvolvado de Ĉinio en la lastaj jaroj.
Progresas la nova industria revolucio kaj novig-forto, kio aldonas novan kinet-energion al la ĉina ekonomio.
Ni prenas ekzemple la artefaritan intelekton. La nova eldonita Blua Libro pri Monda Artefarit-Intelekta Industrio montras, ke ĝis la unua duono de la kuranta jaro, la nombro de ĉinaj firmaoj pri artefarita intelekto okupis la duan lokon tutmonde.
Sun Pishu, direktoro de Inspur-Grupo, diris, ke sub la ondoj de la kvara industria revolucio, Ĉinio paŝas avangarde dank' al nova kinet-energio, kaj aperas novaj teknikoj en nub-komputado, artefarita intelekto kaj blok-ĉeno.
David Aikman, ĉefo de ĉina oficejo de Monda Ekonomia Forumo, diris, ke Ĉinio estas la plej vigla ekonomio en la mondo, kaj ĝia novig-forto kreskas plu, precipe en la Interreto por konsumantoj kaj financa scienc-tekniko.
Wu Yunshen, direktoro por orienta Ĉinio kaj ĉef-inspektoro de la kompanio Jones Lang LaSalle, diris, ke en la lastaj jaroj, antaŭenigite de teknikoj de la nova industria revolucio kaj kreskanta nova kinet-energio ĉefe en novaj industrio, stato kaj modelo, la ĉina ekonomio stabile kreskas kaj la ekonomia strukturo ĝisdatiĝas, kio efike kompensis la influon kaj baton de malkresko de tradicia kinet-energio al ekonomio.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
