Angla amaskomunikilo: germana urbeto fariĝas transporta nodo de Eŭropo danke al “La Zono kaj Vojo”
La 16-an de aprilo, 2018, konteneroj de ĉin-eŭropaj kargotrajnoj en la varstacio DIT de Duisburgo
Laŭ angla ĵurnalo The Guardian, dum granda parto de la 20-a jarcento, Duisburgo, urbeto de ŝtalo kaj karbo en industria regiono de okcidenta Germanio, estis kovrita de fumo kaj polvo. Nuntempe, ĉiusemajne ĉirkaŭ 30 ĉinaj trajnoj atingas la landinternan havenon de tiu urbeto. Konteneroj transportataj per tiuj trajnoj estas aŭ el Ĉinio, ŝarĝitaj per vestoj, ludiloj, elektronikaj produktoj fabrikitaj en urboj kiel Chongqing, Wuhan aŭ Yiwu, aŭ al Ĉinio ŝarĝitaj per germanaj aŭtomobiloj, skotlandaj viskioj, francaj vinoj aŭ milanaj teksaĵoj. Kaj nun la urbo estas rigardata kiel monde plej granda haveno de landinterno. Danke al la instigo de la ĉina iniciato “La Zono kaj Vojo”, la urbeto fariĝas kerna transporta nodo de Eŭropo: nuntempe, por 80% de la trajnoj el Ĉinio la urbeto estas kiel la unua haltejo en Eŭropo.
Laŭ urbestro de Duisburgo, Sören Link, "Nia urbeto estas ĉina urbo en Germanio. Laŭ kelkaj signoj, la graveco de la urbeto kreskas. Ĝi fariĝas la pordo kiu mlfermas ĉinan merkarton al Eŭropo kaj eŭropan merkaton al Ĉinio".
La nombro de dungitoj en la haveno kreskis de 19 mil en 1998, al 50 mil ĉi-jare. Link diris, ke la urbeto daŭre sin metos en la konstruadon de la nova Silka Vojo.
Redaktoro：Gao Shuyuan
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
