Xi Jinping sendis al pakistana prezidento Hussain konsolan telegramon pro la serioza terorista atako
La 2-an de septembro 2015, Xi Jinping renkontiĝis kun Mamnoon Hussain.
La 15-an de julio, ĉina prezidanto Xi Jinping sendis telegramon al pakistana prezidento Mamnoon Hussain pro la serioza terorista atako en Pakistano. Li esprimis profundan funebron al la viktimoj kaj sinceran konsolon al la vunditoj kaj la familianoj de la mortintoj.
Xi Jinping diris, ke terorismo estas komuna malamiko de la homaro. Ĉinio kontraŭas terorismon en ĉiuj formoj kaj forte kondamnas ĉi-tiun teroristan atakon. La ĉina popolo ĉiam estas solidara kun la pakistana kaj firme subtenas Pakistanon batali kontraŭ terorismo, konservi ŝtatan stabilecon kaj protekti la vivojn de homoj.
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
