En julio okazos la 30-a Internaciaj Esperanto-Konferencoj
Internaciaj Esperanto-Konferencoj (IEK) estas serio de klerigaj konferencoj pri kulturaj temoj, kiuj okazas ekde 1988 daŭrigante la antaŭajn Internaciajn Konferencojn de la Neŭtrala Esperanto-Movado. Ekde 1989 ilin organizas OSIEK. Por ebligi rektajn interŝanĝojn, la nombro de partoprenantoj al IEK estas limigita al cent kvindek; ofte kunvenas ĉ. cent homoj.
OSIEK estas internacia societo, kiu celas la organizadon de kulture kiel eble plej altnivelaj, liberaj kaj sencenzuraj Internaciaj Esperanto-Konferencoj (IEK). Diskutado kaj interŝanĝoj, ekzemple post lekcioj kaj kursoj, samkiel turismaj aranĝoj, celantaj interkonadon kaj estimon interetnajn, kontribuas al disvolviĝo de vere internacia kulturo.
OSIEK ĉiujare atribuas premion al vivanta esperantisto pro kultura kreaĵo precipe nefikcia en Esperanto. Kaze de traduko, la premio rekompencas la esperantigon, sendepende de la naturo de la originalo. La nuna valoro de la premio estas 700 eŭroj (ekde 2009).
La 30-a Internacia Esperanto-Konferenco de OSIEK
laŭ la temo Esperanto en Artoj
de sabate 21-a de julio ĉ. 18h ĝis vendrede 27-a de julio 2018 tagmeze
Prelegoj, diskutoj, atelieroj
Enhavo de IEK de OSIEK
Sabate : Alveno, instaliĝo, interkona vespero
Dimanĉe matene : Malfermo. Prezento de kandidatoj por premio. Prezento de le Ejo
Lunde ĝis ĵaŭde matene : Prelegoj
Vendrede matene : Asembleo de OSIEK
Dimanĉe ĝis ĵaŭde posttagmeze : Ekskursoj, promenoj, libera programo, ekstertemaj prelegoj
Sabate ĝis ĵaŭde vespere : Libera programo, eble koncerto, filmo, projekciado
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
