Lanterna Festo: lanternoj brilas
La tradicia ĉina Lanterna Festo estas la dekkvina tago de la unua monato de ĉiu jaro laŭ la luna kalendaro. Tiu ĉi tago estas samtempe la unua lunplena nokto de la nova jaro, kaj estas la komenco de "reveno" de la printempo. Ĉinoj celebras la feston kiel daŭrigon de la festado de la Printempa Festo.
Laŭ la tradicio de han-oj, en la plenluna nokto ĉiu familio devas pendigi ornamitajn lanternojn, kaj kune manĝas farĉitajn pastobuletojn el glueca riz-faruno. Fakte, la spektado de lanternoj estas grava distro de antikvuloj en Ĉinio.
Jen fotoj de lanternoj de Xianju, Zhejiang-provinco. Tia lanterno ne havas framojn, kaj estas farita el diversaj paperpecoj tranĉitaj, truitaj, falditaj kaj kunmetitaj. Ĝia produktado konsistas el 13 procezoj.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
