Brita tagĵurnalo proponas al Britio bonvenigi ĉinajn turistojn uzante britajn hundojn
La 20-an de februaro la brita tagĵurnalo The Independent publikigis artikolon, en kiu la verkinto skribis, ke en la Hunda Jaro Britio devas utiligi britajn hundojn por allogi ĉinojn. La verkinto rimarkigis, ke okaze de la Printempa Festo 6.5 milionoj da ĉinoj vojaĝis eksterlanden por turismo, kaj laŭ anticipaj kalkuloj la totala sumo de ilia konsumado atingis 10 miliardojn da usonaj dolaroj nur en la unua semajno de la festo. Por la brita turisma industrio, do, la Hunda Jaro reprezentas specialan kaj nepreterlaseblan ŝancon.
La verkinto diris, ke por ĉinoj hundo simbolas sincerecon, amikecon, lojalecon, saĝon kaj respondecon. Ĉiu el tiuj ĉi bonaj ecoj de la hundo fakte troveblas en britaj kulturo kaj firmaoj. Do, kial britoj ne utiligu ilin kaj ankaŭ tiajn "britajn markojn" kiaj "Bulldog" kaj "Welsh Corgi" por fari koncernan komercon al ĉinoj?
Krome, Britio devas utiligi ankaŭ ĝustajn platformojn kaj kanalojn. Ĉinaj turistoj kutime uzas kelkajn platformojn antaŭ aranĝo de siaj ferioj. Do por Britio indas fari sin pli aktiva en tiaj platformoj kaj eĉ fari kunagojn.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
