CDELI festis 60- jariĝon
S-ro Claude Gacond prelegas.
S-ro Claude Gacond kaj S-ro Tomas Chmielik prezentas libron pri Edmond Privat.
La 30-an de septembro kaj 1-an de oktobro okazis solenaĵo pro la 60- jariĝo de CDELI (Centro de Dokumentado kaj Esploro pri la Lingvo Internacia) Stefano Keller rakontis pri la historio kaj nuna stato de la biblioteko, kaj ties mondsignifa rolo. D-rino Zorana Sokolovska el universitato de Friburgo studis en la biblioteko esplorante ĉiajn dokumentojn pri la E- movado en svislando. Lernantoj de la "granda ursino" prezentis spektaklon kun la temo: biblioteko.Claude Gacond, la nelacigebla motoro de CDELI, rakontis verve pri la pozitiva efiko de esperanto- instruado. Posttagmeze, Tomas Chmielik studinte en CDELI dum tridek jaroj la artikolojn de Edmond Privat - rakontis pri la verkaro de la eminentulo. Junulo Cesco ( Chesko ) Reale informis pri la poliglotaj kunvenoj, kaj knabo Luc ( Luk) Allemand amuze skeĉis pri la "literatura" E- alfabeto. La vespero konkludiĝis per kanta recitalo de S-ino Elisabeth de Mestral en konservatorio de La chaux de fonds.
( Raportis Dieter Rooke )
Pri CDELI
Biblioteko CDELI en La Chaux de fonds
La Centro de Dokumentado kaj Esploro pri la Lingvo Internacia en La Chaux-de-Fonds, Svislando, estis fondita en 1967. Ĝi estas fako de la Urba Biblioteko kaj enhavas pli ol 20.000 bibliografiajn unuojn. Interlingvistike neŭtrala (tial la nomo en la franca), CDELI ne entenas nur esperantaĵojn, sed celas konservi dokumentojn en ĉiuj planlingvoj: tie situas la plej riĉaj bibliotekoj en Volapuko kaj en Okcidentalo, interalie. Ĝi estas unu el la Interlingvistikaj instancoj de Esperantujo.
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
