Medicina beligado en Ĉinio: la industrio kiu plej rapide kreskas
Tutmonde, la industrio de medicina beligado jam fariĝis la 3-a plej granda industrio, tuj post tiuj pri aŭtoj kaj aviado.
Laŭ Raporto de la Industrio de Medicina Beligado en 2017, inter ĉiuj 2.5 personoj ricevintaj kosmetikon troviĝas 1 ĉino. Tre surpriziga estas la konstato, ke junuloj naskiĝintaj post la jaro 1990 estas la ĉefaj homoj, kiuj pagas por plibeligi sian aspekton.
Pli kaj pli multaj ĉinoj volas pagi por havigi al si pli grandajn okulojn, pli altan nazon kaj pli glatan haŭton.
Injekto por ŝveligi la lipojn
Medicina beligado ne plu estas servo liverita al malmultaj homoj.
En Ĉinio junuloj ĉirkaŭ 25-jaraj estas la ĉefaj konsumantoj de medicina beligado, dum en Usono tiuj konsumantoj estas mezaĝuloj kiuj faras tion ĉefe por kontraŭmaljuniĝo.
Kial la aĝo de ĉinaj konsumantoj de medicina beligado estas pli kaj pli malgranda? Eble tio rilatas al ilia karaktero kaj la ideo pri dungiĝo: junuloj ricevas beligadon ne nur por propra plaĉo, sed ankaŭ por trovi pli bonan laboron.
Laŭ enketo farita inter ĉinaj konsumantoj, ili vizitas kuraciston pri beligado en ĉiu 3-6 monatoj.
Se oni volas akiri informon pri medicina beligado, ili povas uzi aplikaĵon en poŝtelefono por serĉi la celatan beligan servon. La aplikaĵo rekomendas koncernajn produktojn al la uzanto, kiu ankaŭ povas legi taglibrojn de kosmetiko verkitajn de aliaj uzantoj. Tiel oni povas havi iom da konoj pri tiu beliga servo.
Poŝtelefona aplikaĵo pri medicina beligado
Redaktoro: Zhang Xiaotong
Facebook: Ĉina Fokuso / China Focus - Esperanto Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat
