Ĉinaj lernolibroj pri matematiko estos uzataj en klasĉambroj de britaj lernejoj
Laŭ raporto en retejo de New York Times, la lernolibroj pri matematiko uzataj de ŝanhajaj element-lernejanoj aperos en klasĉambroj de britaj lernejoj, celante altigi la matematikan nivelon de britaj lernantoj.
Ekde januaro de la venonta jaro, britaj instruistoj povos uzi tiujn 36 lernolibrojn por instrui matematikon. En la libroj, ĉio estos tradukita al la angla lingvo, krom la simbolo de ĉina juano, kiu estos anstataŭigita de tiu de brita pundo.
Profesoro Zhao Yong de usona Kansas-Universitato diris, ke Azio ĉiam lernis de Eŭropo kadre de edukado, sed nun subite Eŭropo komencas lerni de Azio.
Laŭ informo, ĉinaj lernolibroj pri matematiko liveras pli multe da enhavoj ol tiuj postulataj de britaj lernejoj.
En la Projekto por Taksi Internaciajn Lernantoj en la jaroj 2009 kaj 2012, lernantoj el Ŝanhajo akiris la plej altajn poentojn pri legado, scienco kaj matematiko, kompare kun alilandaj samaĝuloj.
En 2015, la matematika noto de britaj lernantoj estis en la 27-a loko kaj falis unu pozicion kompare kun antaŭ 3 jaroj.
Krom Britio, aliaj landoj inkluzive de Unuiĝintaj Arabaj Emirlandoj, Kenjo kaj Malajzio, interesiĝas pri la edukada modelo de Ĉinio.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
