Ekfunkciis “Fuxing”, grandrapida trajno memstare esplorita kaj produktita de Ĉinio

 

    La 25-an de junio la “familio” de ĉinaj grandrapidaj trajnoj bonvenigis novan membron, kiu estas memstare esplorita kaj produktita de teamo gvidata de la Ĉina Fervoja Kompanio. La novspeca trajno ricevis la nomon “Fuxing” (releviĝo). La 26-an de junio du trajnoj de la nova modelo ekfunkciis respektive de la du finhaltejoj de la linio Pekino-Ŝanhajo: la suda stacidomo de Pekino kaj la stacidomo Hongqiao de Ŝanhajo. La rapido de la trajno en ĝia testado superis 400 kilometrojn hore kaj tiu en reala veturado 350 kilometroj hore.